Амма бэтэрээннэрин кытта улуус баһылыга олох-дьаһах сайдыытын туһунан кэпсэттилэр

Амма улууһун баһылыга Николай Архипов олунньу 22 күнүгэр сэрии бэтэрээннэрин кытта көрүстэ. Ытык кырдьаҕастар улуус олоҕун, сайдыытын, былааннарын олус сэргээн иһиттилэр, сүбэ-ама биэрдилэр. Баһылык Николай Архипов бэтэрээннэргэ улуус дьаһалтата ыытан иһэр үлэтин билиһиннэрдэ, инники соруктары кэпсээтэ уонна бэлэхтэри туттарда. Бэтэрээннэр Семен Васильевич Тихонов, Иннокентий Алексеевич Федотов, Дмитрий Дмитриевич Адамов бэркэ тоокколоһон улуус сайдыытыгар боппуруостары биэрдилэр, сүбэлэрин тириэртилэр. 1 из 5 Ааспыты ахтыһан сылаас итии чэйи иһэн бэркэ астынан бардылар. Бу курдук салалта сэрии бэтэрээннэрин кытта көрсүһүүтэ үгэскэ кубулуйан, бу күнү кинилэр бэркэ кэтэһэн үөрэ-көтө кэлэллэр. Икки өртүттэн туһалаах көрсүһүү хаһан да буоларын курдук истиҥ иэйиилээх ыытыллар. Көрсүһүүгэ баһылыгы социальнай боппуруостарга солбуйааччы Прасковья Емельянова, байыаннай комиссар Игорь Гаранин, бэтэрээннэр сэбиэттэрин бэрэссэдээтэлэ Александра Шестакова, улуус дьокутааттарын сэбиэтин бэрэссэдээтэлэ Алексей Карманов уо.д.а. эппиэттээх үлэһиттэр кыттыыны ыллылар.