Сунтаарга уон киһи улуус Бочуоттааҕа буолла

Ааспыт бээтинсэҕэ улуус дьа­һалтатын аактабай саалатыгар оройуон дьокутааттарын Сэбиэ­тин уочараттаах XXXIX сиэссийэлэрэ буолан ааста. Бу күн дьокутаат­тар алта боппуруоһу көрдүлэр. Сүрүннээн улууспут 2016 сыл­лааҕы бүддьүөтүн туолуутун, 2017 сыллааҕы бүддьүөк­кэ ула­рытыылары, эбиилэри кил­­лэрии туһунан. Бу икки боп­пуруоска иһитиннэриини улуус баһылыгын экэнэмиичэскэй сайдыыга уонна стратегическай былааннааһыҥ­ҥа солбуйааччы Прокопьев М.М. оҥордо. Оройуон дьокутааттарын Сэ­биэ­тин үлэтин регламеныгар уларытыылары, «Сун­таар улууһа (оройуона)» МО Устаабы­гар уларытыылары уонна эбии­лэри киллэрии туһунан иһитиннэ­риини улуус мунньаҕын баста­йаан­най хамыыһыйатын бэрэс­сэ­дээтэлэ Очосов Ю.Д. оҥордо. Бүтэһик, алтыс боппуруоһунан дьокутааттар улуус Бочуоттаах гражданиннарын куоластаан та­лыы­­лара буолла. Бастаан утаа быйыл үс сопхуос үбүлүөйдэрэ буоларынан, онно үлэлии сыл­дьыбыт 3 киһиэхэ Бочуоттааҕы иҥэрэргэ 3 квота бэриллибитэ. Ону сопхуоска үлэлии сылдьы­быт дьон, бэтэрээннэр мустан бэйэлэрэ быһаарбыттар. Кини­лэр киллэрбит хандьыдааттарын дьокутааттар биир санаанан куоластаан ылыннылар. Ол курдук улуус Бочуоттаах гражданинна­рынан «Тойбохой» сопхуостан СӨ Бочуоттаах бэтэрээнэ, РСФСР, СӨ үөрэҕириитин туйгуна Яковлева Александра Алексеевна, «Сун­таар» сопхуостан СӨ тыатын хаһаайыс­тыбатын бэтэрээнэ, үлэ бэтэ­рээ­нэ Прокопьев Николай Тито­вич уонна Ленин уордьаннаах «Эл­гээйи» сопхуостан Дьоруой Ийэ, холхуос, сопхуос үлэтин бэтэрээнэ Егорова Матрена Наумовна буол­лулар. Салгыы дьокутааттар улуус ба­һылыга Григорьев А.В. квотатын туһанан киллэрбит икки хандьы­даа­тын көрдүлэр. Бу сырыыга Анатолий Васильевич улуус Бо­чуоттааҕар биир дойдулаахпытын, Бүлүүчээнтэн төрүттээх, Өрөспүү­бүлүкэтээҕи инбэлииттэри реа­би­литациялыыр комплекснай киин генеральнай дириэктэрэ Степанов Юрий Павловиһы уонна муниципальнай сулууспа бэтэрээ­нэ, улуус баһылыгын солбуйааччытынан үлэлээбит Назаров Ам­мос Тимофеевиһы киллэрдэ. Аһа­ҕас куоластааһын түмүгүнэн Юрий Павлович Степанов, Аммос Тимофеевич Назаров Сун­таар улууһун Бочуоттаах гражданины­нан буоллулар. Аны улуус Сэбиэтэ кинилэргэ баар 5 квотаны көрдүлэр. Быйыл барыта 16 киһи улуус Бочуот­тааҕар түспүт. Дьокутааттар олортон 5 киһини кистэлэҥ куоластааһы­нынан быһаарды­лар. Барыта 14 дьокутаат куо­ластаата. Онон быйыл, саамай элбэх куолаһы ылан, улуус Бо­чуот­таах гражда­ниннарынан СӨ култууратын үтүөлээх үлэһитэ, «Гражданскай килбиэн» бэлиэ хаһаайына, Тү­бэй Дьаарханнаа­ҕы «Айыс» култуура киинин дириэктэрэ, «Аман Өс» тыйаатыр са­лайаач­чыта Софронов Фру­ментий Петрович, үлэ бэтэрээ­нэ, СӨ физкультураҕа уонна успуорка бэтэрээнэ Егорова Ма­рия Спи­ридоновна, «ПрофСтрой» тутуу тэрилтэтин дириэк­тэрэ Яков­лев Алексей Ивано­вич, Туой­даах нэһи­лиэгин баһы­лыга Про­копье­ва Маргарита Васильев­на, СӨ Айылҕа харыс­та­­бы­лын минис­тиэ­рис­тибэтин Сунтаар­даа­ҕы иниспиэксийэтин сала­йааччы Николаев Сергей Ма­карович буоллулар. Инньэ гынан, быйыл улуус Бо­чуоттаах гражданинынан 10 киһи буолла. Үрдүкү чиэскэ тиксибит дьону чиэстээһин Арассыыйа күнүн көрсөр үөрүүлээх мун­ньахха ыытыллыаҕа.