Аммалар Сэбиэт Аана сырдык аатын, үлэтин үйэтитэллэр

Амма улууһугар Үлэ геройа А.М. Васильева 100 сааһыгар анаммыт тэрээһиннэр түмүктэннилэр. Оскуола учууталларыгар, үөрэнээччилэригэр научнай-практическай конференция тэрилиннэ. Тэрээһин кыттааччылара үлэни өрө туппут биир дойдулаахтарын туһунан олус элбэҕи үөрэппиттэрин дьон билиитигэр таһаардылар. Үлэлээбит, үөрэммит сиригэр Бөтүҥ нэһилиэгэр Герой аатынан уулусса аныгы ньыманан оҥоһуллан аһылынна. Уулусса уопсай кээмэйэ 1375 миэтэрэ. Олохтоохтор үлэ хаачыстыбалаахтык барбытын, суол кэҥээбитин, көммүтүн бэлиэтээтилэр. Суолу предприниматель Николай Филиппов тэрилтэтэ оҥордо. Аҕа дойдуга бэриниитин иһин уордьан төрдүс степенин кавалера Аграфена Сутакова аатынан комплекс бастакы уочарата үлэҕэ киирэр үөрүүлээх түгэнэ буолла. Күн иккис аҥарыгар Сэбиэт Аана 100 сыллаах үбүлүөйүгэр аналлаах үөрүүлээ мунньах дьону түмтэ. Манна араас сылларга Сэбиэт бэрэссэдээтэлинэн уонна сэкирэтээрдэринэн үлэлээбит дьон сылдьан Сэбиэт Аана аатынан Бэлиэлэри туттулар, сылаас тылларынан ахтыы оҥордулар. 1 из 7 Үөрүүлээх тэрээһиннэр нэһилиэк улахан кэнсиэринэн түмүктэннэ. Улуус уонна нэһилиэк олохтоохторун СР Бырабыытылыстыбатын бэрэссэдээтэлин бастакы солбуйааччы, тыа хаһаайыстыбатын миниистирэ Петр Алексеев, улуус баһылыга Николай Архипов, «Сахаплемхолбоһук» дириэктэрэ Степан Охлопков, «Туймаада» ГУТ ФАПК генеральный дириэктэрин солбуйааччы Александр Артемьев кыттыыны ыллылар.