ЯСИА.RU 2 мая 2017

Маар күөллэр маладьыастаатылар

Фото: ЯСИА.RU
Ааспыт нэдиэлэҕэ «Олоҥхо» төрүт култуура киинигэр Владимир Данилов баһылыктаах Маар Күөл нэһилиэгин күнэ буолан ааста. Бу күн маар күөллэр араас эгэлгэ быыстапканы туруордулар, олохтоох бэйэ оҥорон таһаарар аһын-үөлүн дэлэччи атыылаатылар, нэһилиэктэрин олоҕун-дьаһаҕын, үлэтин-хамнаһын билиһиннэрдилэр, бэртээхэй кэнсиэр көрдөрдүлэр.
Кинилэр туспа нэһилиэк буолан тэринэн олорбуттара 50 сылларын быйыл бэлиэтииллэр. Нэһилиэк олохтоохторо бу тэрээһиҥҥэ бары көхтөөхтүк кытталлара харахха тута быраҕыллар. Ол курдук, быыстапкалары кэрийэн көрдөххө оскуола кыра кылааһын үөрэнээччилэриттэн ытык кырдьаҕастарыгар тииийэ араас дьоҕурдаах дьон баар нэһилиэгэ эбит диэн сөҕө-махтайа саныыгын. Холобур, кырачааннар уруһуйдара, араас дьэрэкээн ойуулары түһэрбит утахтарын иһиттэрэ, кофе бааҥкалара болҕомтону тардаллар. 82 саастаах Марфа Степанова оҕуруонан, быысапканан дьэрэкээн сибэкки арааһын оҥорбутун, Ксения Петрова кылтан оҥоһуктарын, Руслан Петров туостан үлэлэрин, Ксения Федорова күрүчүөгүнэн баайбыт салпыаккаларын, былааттарын, педагогическай үлэ бэтэрээнэ Антонина Гаврилова кыбытыктаах тигиилэрин, Данил Дойдуков тимиртэн, муостан араас кыыллары бу хамсаан барыах курдук чочуйан таһаарбытын астына-кэрэхсии көрдүбүт.
Олохтоохтор успуорка, култуураҕа араас ситиһиилэрин кэпсиир истиэндэлэр истиэнэ кыйа ыйаммыттар. Олохтоох суруйааччылар, бэйиэттэр айымньылара, нэһилиэк устуоруйатын кэпсиир кинигэлэр дьон көрүүтүгэр-билиитигэр туруоруллубуттар.
Тэрээһин түмүгэр киэҥ түһүлгэлээх оһуохай дьиэрэйдэ, бу күнү үйэтитэн хаартыскаҕа уопсай түһүү буолла.
Комментарии
Читайте также
Джонни Депп посетил московский музей
«Моя любовь»: Агутин поздравил жену
1
Элтон Джон посетил Ереван
Звезда «Анатомии страсти» стала жертвой преступников
1