Ещё

Баахынай олохтоохторо национальнай статуһу туруорсаллар 

Фото: ЯСИА.RU
Быйыл Эдьигээн оройуонун Баахынай нэһилиэгэ төрүттэммитэ 70 сылын бэлиэтиир. Бу бэлиэ даатаны нэһилиэк олохтоохторо, мантан силистээх-мутуктаах дьон бука бары түмсэн киэҥ далааһыннаахтык бэлиэтиир соруктаахтар. Быйылгы үбүлүөйдээх сылга олохтоохтор «эбэҥки национальнай нэһилиэгэ» диэн статуһу ылыныытын туруорсаллар. Кинилэр сход мунньаҕын ыытан, бу статуһу ылынарга сөпсөһөллөрүн туһунан санааларын биллэрбиттэрэ. Нэһилиэнньэ сөбүлэҥин бигэргэтэр дьаһалга нэһилиэк дьокутааттара илии баттаатылар. Онон статуһу ылыныы докумуона салгыы Ил Түмэн көрүүтүгэр ыытылынна.
Баахынай нэһилиэгэр Аҕыйах ахсааннаах хотугу норуоттар түмсүүлэрин онус сылын Зоя Мусалямова салайан үлэлэтэр. Бу кэм устата нэһилиэнньэ өйүгэр-санаатыгар өбүгэ үгэһин сөхсүтүүгэ, ону ыччакка иҥэриигэ үлэ ыытыллан кэллэ. Ол түмүгэр статуһу ылыныы боппуруоһа Баахынай нэһилиэгэр киэҥник турда.
Читайте также
Новости партнеров
Больше видео