Ещё

Оскуолаларга тиһэх чуораан чугдаарда 

Фото: ЯСИА.RU
Бэҕэһээ Сунтаар улууһун бары оскуолаларыгар тиһэх чуораан чугдаарда. Быйылгы 2016-2017 үөрэх дьылыгар Сунтаар улууһугар 349 оҕо оскуоланы бүтэрэн олох киэҥ аартыгар үктэннэ. Былырыын 342 оҕо бүтэрбитэ. Алын сүһүөх кылаастарыгар оҕо ахсаана элбээбит.
Бу үөрүүлээх күнүнэн улуус дьаһалтатын, үөрэх, култуура управлениеларын, успуорт, ыччат бэлиитикэтин отделларын уо.д.а. тэрилтэлэр, төрөппүттэр ааттарыттан эҕэрдэ тыллар этилиннилэр, үөрэнээччилэргэ, учууталларга ситиһиилэрин иһин грамоталар, эҕэрдэ, махтал суруктар, истипиэндьийэлэр туттарылыннылар.
Билигин оскуоланы бүтэрээччи оҕолорбутун биир кэлим эксээмэннэр күүтэллэр. Бастакы эксээмэннэр ыам ыйын 29 күнүгэр 10 эксээмэн ыытар пууҥҥа буолуохтара. Онон, оҕолорбутугар, тиһэх чуораанынан эҕэрдэлээн туран, эксээмэннэригэр ситиһиини, талбыт үөрэхтэригэр туттарсан киирэллэригэр баҕаҕрыаҕыҥ.
Комментарии
Читайте также
Новости партнеров
Больше видео