Ещё

Кыһылбаайы — Эдьигээн бөтүүгэ 

Кыһылбаайы — Эдьигээн бөтүүгэ
Фото: ЯСИА.RU
Хаартыскаҕа Эдьигээн олохтооҕо кэлэн иһэр 2017 сыл бэлиэтин, маанылаах бөтүүгүн Кыһылбаайыны кытта түспүтүн көрөҕүт. Мария Васильевна 40-ча сыл устата Эдьигээн типографиятыгар үлэлээбитэ, Чурапчы көһөрүүтүн кыттыылааҕа. Бэчээт бэтэрээнэ өссө 1978 сыллаахтан ыла биир да сылы көтүппэккэ кууруссаны иитинэн дьарыктанар.
— Бачча сыл тухары кууруссаны быспакка иитэн кэллим. Хас сарсыарда аайы 7 чаастан дьиэбиттэн тахсан, манна «ыстанабын». Дьэ онно бөтүүктэрим үөрэ-көтө, эҕэрдэлии көрсөллөр. Билигин бу 40 кууруссалаахпын,4 бөтүүктээхпин. Бу саамай сөбүлүүр бөтүүгүм. Манна — баһылык. Аата Кыһылбаайы. Үлэһит бөҕөтө, дьаһала буолунай, былааһын тутан олорор. Көтөрдөрү уопсайынан сөбүлүүбүн. Кэлэн иһэр сылбыт Бөтүүк сыла буоларын эйиигиттэн иһиттим. Оччотугар 2017 сылбыт хаһаайынын курдук түргэн-тарҕан, хотуулаах, дьаһаллаах буолуо диэн эрэниэххэ сөп. Үлэтин, аһын-үөлүн дьаһайдыҥ да, дьэ, дохуоту, бородууксуйаны биэрэр хотоку. Онон өлгөм, үчүгэй өттүктээх сыл иһэр.
Бөтүүк, кууруусса диэн ыалга иитэргэ саамай табыгастаах салаа. Санааны ууран, күн аайы түбүгүрүөххэ, үлэлээн хачыгырайыахха эрэ наада. Эдьигээн олохтоохторугар, аҕа саастаах киһи быһыытынан саҥа дьылга тигинэччи үлэлээн-хамсаан, байылыат олохтоох, доруобай буолуҥ диэн алгыспын тиэрдэбин, — диэн Мария Васильевна баҕа санаатын тириэрдэр. Онуоха таптыыр Кыһылбаайыта сыл хаһаайына буолаары ыксаан өрө даллаахтыы турдаҕына, бу хаартыскаҕа «чып» гыннаран ыллыбыт. Кэлэн иһэр кыһыл Бөтүүк сылынан!
Видео дня. Кому из звезд шоу-бизнеса не достанется МРОТ от государства
Комментарии
Читайте также
Новости партнеров
Больше видео