В мире
Новости Москвы
Политика
Общество
Происшествия
Наука и техника
Шоу-бизнес
Армия
Игры

Мер чакласьёслэн корпуссы Удмуртиын ортчем быръёнъёслы дунъет сётӥз

Удмуртиысь мер чакласьёслэн корпуссы Кун Думае быръёнъёслы дунъет сётӥз. Кызьы соос элькунамы ортчизы, Мер палаталэн тӧроез Рашид Хуснутдинов вераз. 2021-тӥ арын мер чакласьёсты дасянлы нимысьтыз саклык висъязы. Мер палатаын элькунамы 23 сюрслэсь трос улӥсьёсты дышетӥзы, азьланяз соос яке Мер палаталэсь, яке политической партилэсь, яке кандидатъёслэсь чакласьёс луизы. Валамон, чакласьёслэсь вуись ивортодэт одно ик эскериськыны кулэ. Со ужез дыраз лэсьтон понна, мер чакланъя центр кылдытӥм, кытын ӟырдыт линилэн операторъёсыз пукизы. Соос доры кунмуртъёс но чакласьёс вазиськыны быгатылӥзы. Озьы ик центрын видеонаблюдениез чакласьёс но юридик группа интыяськизы Рашид Хуснутдинов, Мер палаталэн тӧроез Вань быръён участокъёсы видеокамераос пуктӥзы, но 500 котырысьтыз – меӵак трансляция нуизы. Сое мер чакланъя центре возьматӥзы. Озьы ик трансляциез быръёнъёсы пыриськись политической партиос учкыны быгатӥзы. Записьёсты Удмуртиысь Быръёнъёсъя валтӥсь ӧриын возёзы Мобильной группа кык мугъя потаз: быръён участокъёсыз ваньмыз умой мынэ-а шуыса эскерыны но чакласьёслэсь вазиськонъёс вуылыку Рашид Хуснутдинов, Мер палаталэн тӧроез Ӟырдыт герӟет 6-20 куарусёнэ ужаз. Отчы 35 вазиськонъёс вуизы Кунмуртъёс куара сётонлэсь радлыксэ, сётӥськись бюллетеньёслэсь лыдзэс юаса но мукет юанъёсъя вазиськылӥзы. Зэм но, вал кӧня ке технической шуг-секытъёс, кудъёссэ ми дырыз дыръя палэнтылӥм. Озьы ик пичи тӥянъёс вал, соосты но ӝог гинэ сэрттылӥм , Удмуртиысь мер чакласьёслэн корпусысьтызы юрист Тӥянъёс сярысь ивортодэт Мер палаталэн «ВКонтакте» мерлыко вотэсысь бамаз усьтэм доступен поттэмын. Ортчем быръёнъёслы огъя дунъет сётоно ке, куараос вылын шӧдскымон нокыӵе бадӟым тӥянъёсты ми ӧм шараялэ. Оглом вераны луэ, куара сётонлы йылпумъянъёс бырйисьёслэсь мылкыд верамзэс возьмато Рашид Хуснутдинов, Мер палаталэн тӧроез Тодэ вайытом, Кун Думае быръёнъёс 17-19 куарусёнэ ортчизы.

Мер чакласьёслэн корпуссы Удмуртиын ортчем быръёнъёслы дунъет сётӥз
Фото: ИА «Удмуртия»ИА «Удмуртия»