ЯСИА.RU 1 мая 2017

Муомалар күөх маайы тэрээһиннээхтик көрүстүлэр

Фото: ЯСИА.RU
Муомаҕа профсоюзтар тэрийиилэринэн маай бырааһынньыгын параада өрө көтөҕүллүүлээхтик буолан ааста. Тэрилтэлэр үлэһиттэрин колонналара бырааһынньыктыы киэргэммит Кыайыы болуоссатыгар ырыа, үөрүүлээх хаһыы аргыстаах түмсэн истилэр. Хотуттан тымныы тыал төһө да хаарыйан аастар, дьон туруоруммут соругун ыспата.
Мустубут дьону эҕэрдэлииргэ маҥнайгынан оройуон баһылыга П. Н. Черемкин тырыбынаҕа тахсар. Бу Үлэ, Саас бырааһынньыгынан истиҥник эҕэрдэлээн туран, биир дойдулаахтарыгар олоххо дьолу, үлэҕэ ситиһиини баҕарда. Мантан салгыы Петр Николаевич үлэ бастыҥнарыгар судаарыстыбаннай наҕараадалары туттартаата. Ол курдук, уһун сылларга ЗАГС отделын эҥкилэ суох салайбыт Мария Гаврильевна Андреева өр сыллаах үтүө суобастаах үлэтин иһин «Гражданскай килбиэн» анал бэлиэни, РФ Суруйааччыларын сойууһун чилиэнэ, өр сылларга саха тылын уонна литературатын учууталынан тахсыылаахтык үлэлээбит, «Оҕо айымньытын дьиэтэ» эбии үөрэхтээһин муниципальнай бүддьүөт тэрилтэтин эбии үөрэхтээһиҥҥэ педагога Мария Прокопьевна Федотова «Саха Өрөспүүбүлүкэтин үөрэҕириитин үтүөлээх үлэһитэ» бэлиэни, дастабырыанньаны үөрүүлээх быһыыга-майгыга туттулар. Тэрилтэлэр үлэһиттэрин бөлөхтөрө оройуон дьаһалтатын Бочуотунай грамотатын туттулар. Кинилэр ортолоругар Хабаров Ньургустаан Афанасьевич, Корякин Виктор Анатольевич, Васильев Дмитрий Дмитриевич, Хабаров Альберт Иванович бааллар.
Тылы «Муома национальнай нэһилиэгэ» МТ дьаһалтатын баһылыга А. В. Андреев ылар. Тахсыылаах үлэни, этэҥҥэ буолууну баҕарда. Профсоюз лидердэрэ Т. Д. Андреева, У. С. Добрынина, Е. И. Анисимов, Е. П. Ефимова профсоюз тэрилтэлэрин ааттарыттан эҕэрдэлээн туран, сарсыҥҥы күҥҥэ эрэллээх, сомоҕолоһуулаах буолууга санааларын тиэртилэр.
Бырааһынньык эҕэрдэ кэнсиэринэн, көрүнэн-нарынан түмүктэннэ. Көр-күлүү өргө диэри сатыылаата. Предпринимателлэр шашлыктары, онтон да атын аһы-үөлү атыылаатылар. 1 из 4
 Ещё 2 источника 
Комментарии
Читайте также
В РПЦ отреагировали на батюшку в Gucci
208
Глава СПЧ рассказал, где будет похоронена Алексеева
4
Батюшка в Gucci вернулся в Instagram
23
Буквы власти: какие книги читают Путин и Трамп
24
Последние новости
В РПЦ пообещали заняться гламурным священником в Gucci и LV
Буквы власти: какие книги читают Путин и Трамп
Глава СПЧ рассказал, где будет похоронена Алексеева